«РБ Лейпциг» спорт директори Оливер Минтцлафф жамоа ярим ҳимоячиси Кристофер Нкунку атрофидаги миш-мишларга изоҳ берди. Матбуотда «ПСЖ»га қайтиши ёки «Манчестер Юнайтед»га ўтиши ҳақида хабарлар тарқалган эди.
«Мен буни аввал ҳам айтганман, ҳозир ҳам айтаман: Нкунку кейинги мавсумда ҳам бизнинг ўйинчимиз бўлади. Бизнинг асосий мақсадимиз ҳозирги жамоани кейинги йил учун сақлаб қолишдир», деди Минтцлафф
Эслатиб ўтамиз, Кристофер Нкунку жорий мавсумда «РБ Лейпциг» сафида барча турнирларда 30 та гол ва 16 та голли узатмани амалга оширди. Франциялик футболчи бир мавсумда 30 та голдан ўтишга муваффақ бўлган Тимо Вернердан кейин жамоа тарихидаги иккинчи футболчига айланди.
