Fransiyaning «PSJ» klubi futbolchilari Presnel Kimpembe va Marko Verratti jamoalarining chempionatdagi navbatdagi «Lans»ga qarshi uchrashuvini o‘tkazib yuborish xavfi ostida. Jurnalist Adriyen Grenyening so‘zlariga ko‘ra, futbolchilarning ishtiroki hamon so‘roq ostida.
Kimpembe va Verratti hali jarohatlardan to‘liq forig‘ bo‘lishmagan va umumiy guruhda mashg‘ulot o‘tkazishmagan. O‘yin oldidan Maurisio Pochettino boshchiligidagi murabbiylar shtabi futbolchilarning holatiga baho berib, ularning uchrashuvdagi ishtiroki haqida qaror qabul qiladi.
Eslatib o‘tamiz, «PSJ» hozirda Fransiya chempionatida ishonch bilan peshqadamlik qilmoqda va deyarli oltin medallarni kafolatlab qo‘ygan. Agar jamoa «Lans»ga qarshi o‘yinda kamida bitta ochkoni qo‘lga kiritsa, u holda yakunda chempionlikni qo‘lga kiritadi.
