Франциянинг «ПСЖ» клуби футболчилари Преснель Кимпембе ва Марко Верратти жамоаларининг чемпионатдаги навбатдаги «Ланс»га қарши учрашувини ўтказиб юбориш хавфи остида. Журналист Адриен Греньенинг сўзларига кўра, футболчиларнинг иштироки ҳамон сўроқ остида.
Кимпембе ва Верратти ҳали жароҳатлардан тўлиқ фориғ бўлишмаган ва умумий гуруҳда машғулот ўтказишмаган. Ўйин олдидан Маурисио Почеттино бошчилигидаги мураббийлар штаби футболчиларнинг ҳолатига баҳо бериб, уларнинг учрашувдаги иштироки ҳақида қарор қабул қилади.
Эслатиб ўтамиз, «ПСЖ» ҳозирда Франция чемпионатида ишонч билан пешқадамлик қилмоқда ва деярли олтин медалларни кафолатлаб қўйган. Агар жамоа «Ланс»га қарши ўйинда камида битта очкони қўлга киритса, у ҳолда якунда чемпионликни қўлга киритади.
