Dekabr oyida Kataloniyaning «Barselona» klubi yarim himoyachisi Frenki de Yongni «Manchester Siti»dan xarid qilingan Ferran Torresning transferiga qo‘shishdan bosh tortdi. Jurnalist Jerar Romeroning so‘zlariga ko‘ra, «shaharliklar» gollandiyalik futbolchini kelishuvga qo‘shishni talab qilgan, biroq kataloniyaliklar bunga qat’iy rad javobini berishgan.
Ferran Torresning transferi «Barselona»ga 70 million yevroga tushdi. «Ko‘k-anorranglilar» de Yongni «Manchester Siti»ga sotmaslikdan tashqari, gollandiyalik futbolchining o‘zi «Kamp Nou»da qolish istagini bildirgan.
«Barselona» ayni damda Ispaniya chempionatida ikkinchi o‘rinda bormoqda. Xavi shogirdlari bugun mehmonda «Real Sosyedad»ga yutqazsa, chempionlik uchun imkoniyatni boy beradi.
