«Liverpul» va Angliya terma jamoasining sobiq himoyachisi Jeymi Karrager «Manchester Yunayted»ga bosh murabbiy Erik ten Xag kelishi bilan «qizil iblislar»ni qanday transferlar kutayotgani haqida o‘z fikri bilan o‘rtoqlashdi.
«Ishonchim komilki, «Manchester Yunayted» bu yozda yaxshi xaridlar amalga oshiradi. O‘tgan yili ular kimni sotib olganiga qarang: Krishtianu Ronaldu, Rafael Varan va Jeydon Sancho. Ular bu futbolchilarning barchasini kuchli to‘rtlikka kirish uchun emas, balki chempionlik uchun kurashishga taklif qilishgan edi», - deya Karragerning so‘zlarini keltiradi Sky Sports.
Eslatib o‘tamiz, bugun «Manchester Yunayted» rasman e’lon qildiki, kelasi mavsumdan boshlab jamoani «Ayaks» sobiq ustozi Erik ten Xag boshqaradi. Ayni damda mankunianliklarni germaniyalik mutaxassis Ralf Rangnik boshqarmoqda, u mavsum yakunida klub maslahatchisi lavozimini egallaydi.
