Yarim himoyachi Tyemue Bakayoko «Milan»ni muddatidan bir yil oldin tark etishi mumkin.

27 yoshli futbolchi rasman «Chelsi»ga tegishli. O‘tgan yilning avgust oyida u «Milan»ga ikki mavsumga ijaraga berilgan edi. «Rossonerilar»da futbolchini sotib olish imkoniyati ham bor.

Biroq, «Milan» nafaqat Bakayokoni sotib olishni rejalashtirmayapti, balki uni joriy mavsum yakunida — shartnomada ko‘rsatilganidan bir yil oldin «Chelsi»ga qaytarishga ham umid qilmoqda. Bu haqda Calciomercato xabar bermoqda.

Ma’lumot uchun, Bakayoko «Milan» safida barcha musobaqalar doirasida 17 ta o‘yinda maydonga tushdi.