Ярим ҳимоячи Тьемуэ Бакайоко «Милан»ни муддатидан бир йил олдин тарк этиши мумкин.

27 ёшли футболчи расман «Челси»га тегишли. Ўтган йилнинг август ойида у «Милан»га икки мавсумга ижарага берилган эди. «Россонерилар»да футболчини сотиб олиш имконияти ҳам бор.

Бироқ, «Милан» нафақат Бакайокони сотиб олишни режалаштирмаяпти, балки уни жорий мавсум якунида — шартномада кўрсатилганидан бир йил олдин «Челси»га қайтаришга ҳам умид қилмоқда. Бу ҳақда Calciomercato хабар бермоқда.

Маълумот учун, Бакайоко «Милан» сафида барча мусобақалар доирасида 17 та ўйинда майдонга тушди.