Taniqli sobiq futbolchi, hozirda “Ayaks” akademiyasi murabbiyi Ronald de Bur jurnalistlar bilan “Manchester Yunayted”ga yangi bosh murabbiy etib tayinlangan Erik ten Xag haqida o‘z fikrlari bilan o‘rtoqlashdi.
De Burning so‘zlariga ko‘ra, u har doim har bir jihatga qaratilgan ten Xagning ish axloqini juda yaxshi ko‘radi. Ronaldning qayd etishicha, murabbiy qiyin qarorlar qabul qilishdan qo‘rqmaydi va agar u kutilmaganda yomon o‘ynasa, jamoa yetakchisini zaxira o‘rindig‘iga yuborishi mumkin.
Erik ten Xag "qizil iblislar" bilan rasman shartnoma imzolagan edi. Niderlandiyalik murabbiy joriy mavsum yakunlanganidan so‘ng o‘z vazifasini bajarishga kirishadi.
