"Real Madrid" bosh murabbiyi Karlo Anchelotti sekin-asta keyingi mavsum uchun jamoa tuzish haqida o‘ylamoqda. Uning asosiy nishoni Antonio Ryudiger.
Bir necha oy davomida Madrid klubi nemisning "Chelsi"dagi o‘yinlarini kuzatib bordi, ammo futbolchi va uning agentlarining yuqori talablari uni sotib olish imkoniyatini yo‘qqa chiqardi. Endi "Real Madrid" tomonidan kiritilgan yangi taklifdan keyin vaziyat o‘zgardi. Marca xabariga ko‘ra, Ryudiger kelasi mavsum uchun ehtimoliy transferlardan biri bo‘lishi mumkin.
Nemis futbolchi joriy mavsumda 47 ta o‘yinda maydonga tushib, barcha musobaqalarda 5 ta gol urdi va 4 ta golli uzatmani amalga oshirdi.