Karim Adeyemi Dortmundning «Borussiya» klubiga o‘tmoqda.
Nemislar Avstriyaning «Zalsburg» klubi bilan 20 yoshli futbolchini sotib olish borasida kelishuvga erishdi, deb xabar bermoqda Sky Sports.
Dortmundliklar Adeyemi uchun 30 million yevro to‘laydi, bundan tashqari yana olti million yevro keyingi to‘rt yil ichida bonus sifatida to‘lanishi mumkin.
Futbolchi bilan 5 yillik shartnoma imzolanadi. Germaniyalik hujumchining maoshi yiliga 6,5 million yevroni tashkil qiladi.
Adeyemi joriy mavsum ligada 25 ta o‘yinda maydonga tushib, 16 ta gol urdi.