Карим Адейеми Дортмунднинг «Боруссия» клубига ўтмоқда.

Немислар Австриянинг «Зальцбург» клуби билан 20 ёшли футболчини сотиб олиш борасида келишувга эришди, деб хабар бермоқда Sky Sports.

Дортмундликлар Адейеми учун 30 миллион евро тўлайди, бундан ташқари яна олти миллион евро кейинги тўрт йил ичида бонус сифатида тўланиши мумкин.

Футболчи билан 5 йиллик шартнома имзоланади. Германиялик ҳужумчининг маоши йилига 6,5 миллион еврони ташкил қилади.

Адейеми жорий мавсум лигада 25 та ўйинда майдонга тушиб, 16 та гол урди.