“Andijon” klubi va ayniqsa, uning muxlislari haqida gap ketar ekan, hamma vaqt ijobiy fikrlarni eshitamiz.

Ayni paytda Eronning yetakchi jamoalaridan biri – “Istiqlol” sharafini himoya qilayotgan O‘zbekiston milliy terma jamoasi a’zosi Azizbek Amonov “Andijon” matbuot xizmatiga quyidagilarni aytdi:

“Eronning muxlislariga o‘xshaydigani faqat bitta – “Andijon” ishqibozlari deb ayta olaman. Ular ham xuddi eronliklarga o‘xshab 90 daqiqa mobaynida o‘z jamoasini tinim bilmasdan qo‘llab-quvvatlashadi.

Chunki menga bu jamoaning ishqibozlari yoqadi. Haqiqiy muxlis shunaqa bo‘ladi.

O‘zbekistonda ularga o‘xshagan muxlislar ko‘payishini xohlayman. Har uchrashuvda turli bannerlar bilan jamoasini oldinga chorlab turadi.

“Andijon” klubi mana shunday ashaddiy hamda jonkuyar muxlislari uchun ham albatta Superligada yuqori o‘rinlarda bo‘lishga munosib”, - deydi Amonov.