"Manchester Yunayted" markaziy himoyachisi Xarri Maguayr yaqinda uyida bomba qo‘yilishi xavfi bo‘lganiga qaramay, oilasi va do‘stlariga jamoani tark etmasligini aytdi.
"Xarri bunday tahdidlar bilan "Manchester Yunayted"dan ketmaydi. Uning uchun oila xavfsizligi har doim birinchi o‘rinda turadi, lekin u bunday vaziyatlarda kurashish uchun kuchli xarakterga ega. Bu qandaydir qo‘rqoq ishqibozning ishi", - dedi Maguayrga yaqin manba The Sun nashriga.
Eslatib o‘tamiz, bir necha kun avval futbolchining uyiga bomba qo‘yib ketilishi bilan tahdid qilingan edi.
