«Chelsi» markaziy himoyachisi Antonio Ryudiger mavsum yakunida jamoani tark etishga qaror qildi. Nemis futbolchisi jamoaga qo‘llanilgan sanksiyalar tufayli klub bilan shartnomani uzaytira olmaydi. The Telegraph xabariga ko‘ra, himoyachining yangi klubi «Real» bo‘lishi mumkin.
Avvalroq «Chelsi» Ryudigerga haftasiga 200 ming funt maosh taklif qilgan edi, bu esa klub tarixidagi himoyachi uchun eng yuqori maosh bo‘lishi mumkin edi. Nemis bu taklifni rad etib, unga qo‘shimcha ravishda 10 million funt sterling bonus to‘lashni talab qildi.
«Chelsi» klubi ham o‘yinchini saqlab qolish uchun harakat qilmoqda. Mavsum yakunida «ko‘klar»ning yana bir himoyachisi Andreas Kristensen ham jamoani tark etadi.
