«Челси» марказий ҳимоячиси Антонио Рюдигер мавсум якунида жамоани тарк этишга қарор қилди. Немис футболчиси жамоага қўлланилган санкциялар туфайли клуб билан шартномани узайтира олмайди. The Telegraph хабарига кўра, ҳимоячининг янги клуби «Реал» бўлиши мумкин.
Аввалроқ «Челси» Рюдигерга ҳафтасига 200 минг фунт маош таклиф қилган эди, бу эса клуб тарихидаги ҳимоячи учун энг юқори маош бўлиши мумкин эди. Немис бу таклифни рад этиб, унга қўшимча равишда 10 миллион фунт стерлинг бонус тўлашни талаб қилди.
«Челси» клуби ҳам ўйинчини сақлаб қолиш учун ҳаракат қилмоқда. Мавсум якунида «кўклар»нинг яна бир ҳимоячиси Андреас Кристенсен ҳам жамоани тарк этади.
