Osiyo Chempionlar ligasi 5-turi doirasidagi «Nasaf» — «As-Sadd» uchrashuvi yakunlandi. Qiziqarli kechgan uchrashuvda vakillarimiz ishonchli hisobda g‘alaba qozondi — 3:1.
Garchi birinchi bo‘limda gol kiritilmagan bo‘lsa-da, yaqqol ustunlik «ajdarlar»da bo‘ldi. Ammo futbolchilarimiz yaratilgan imkoniyatlardan foydalana olmadi.
Ikkinchi taym ham «Nasaf» ustunligida booshlandi. Berdiyev shogirdlari raqib jarima maydonchasi oldidan bir qancha xavfli hujumlar uyushtirdi va bu 63-daqiqaga kelib hisobda ham o‘z aksini topdi. Qatar klubi futbolchisi Santi Kasorlaning xatosidan keyin Akmal Mozgovoy to‘pni egallab oldi va Meshal Marsham darvozasiga chiroyli gol urdi — 1:0.
Oradan 8 daqiqa o‘tib, Ivan Solovyovning chiroyli pasidan keyin Husayn Norchayev hisobni ishonchli ko‘rinishga keltirib qo‘ydi — 2:0.
77-daqiqada «As-Sadd» darvozaboni Marsham to‘pni ushlab olishda xatoga yo‘l qo‘ydi va bundan Oybek Bozorov unumli foydalandi. U to‘pni egallab olib, qulay vaziyatda turgan Akmalga uzatdi va Mozgovoy o‘zining o‘yindagi ikkinchi golini kiritdi.
O‘yin tugashiga bir necha daqiqa qolganda «As-Sadd» hisobni bittaga qisqartirdi. «Nasaf» himoyasidagi pala-partishlikdan Rodrigo Tabata unumli foydalanib, jamoasini 1 goliga mualliflik qildi.
Shu tariq vakillarimiz 5-turda 3:1 hisobida g‘alaba qozonib, o‘z ochkolarini 8 taga yetkazib oldi va 2-o‘ringa yaxshilab joylashib oldi.
«Nasaf» — «As-Sadd» 3:1
Gollar: Akmal Mozgovoy – 63, Husayn Norchayev – 75, Akmal Mozgovoy – 77, Tabata - 90
«Nasaf»: 35. Abduvohid Nematov, 2. Alibek Davronov, 4. Husniddin Aliqulov, 7. Sharof Muhitdinov, 8. Dilshod Saitov, 10. Husayn Norchayev, 17. Suhrob Nurulloyev (Ivan Solovyov 67), 22. Akmal Mozogovoy, 77. Oybek Bozorov, 88. Marko Stanoyevich, 92. Umarbek Eshmurodov (S)
Zaxira: 1. Umidjon Ergashev, 13. Azamat Soyibov, 6. Murodbek Rahmatov, 9. Ivan Solvev, 18. Bahrom Abdurahimov, 23. Sardor Sadullayev, 27. Zafarmurod Abdirahmatov, 30. Aziz Xolmurodov, 70. ASliddin Tursunpo‘latov, 99. Semir Smaylagich
«As-Sadd»: 22. Meshal Barsham, 2. Pedro Korreyra, 3. Abdulkarim Hassan, 6. Tarek Salman, 7. Muhammad Vaad, 10. Hasan Al Haydos (S), 15. Akram Afif, 16. Boualem Xo‘xi, 17. Gilerme Torres (Rodrigo Tabata), 19. Santi Kasorla, 22. Andre AYEv
Zaxira: 1. Saad Al Sheib, 31. Yusuf Abdulloh, 4. Ahmad Sayyor, 8. Ali Asad, 9. Yusuf Abdurizoq, 12. Rodrigo Tabata, 13. Abdulla Al Yazidi, 20. Salem Al-Hajri, 47. Faisal Muhammad, 70. Musab Xidir Muhammad
