Осиё Чемпионлар лигаси 5-тури доирасидаги «Насаф» — «Ас-Садд» учрашуви якунланди. Қизиқарли кечган учрашувда вакилларимиз ишончли ҳисобда ғалаба қозонди — 3:1.
Гарчи биринчи бўлимда гол киритилмаган бўлса-да, яққол устунлик «аждарлар»да бўлди. Аммо футболчиларимиз яратилган имкониятлардан фойдалана олмади.
Иккинчи тайм ҳам «Насаф» устунлигида боошланди. Бердиев шогирдлари рақиб жарима майдончаси олдидан бир қанча хавфли ҳужумлар уюштирди ва бу 63-дақиқага келиб ҳисобда ҳам ўз аксини топди. Қатар клуби футболчиси Санти Касорланинг хатосидан кейин Акмал Мозговой тўпни эгаллаб олди ва Мешал Маршам дарвозасига чиройли гол урди — 1:0.
Орадан 8 дақиқа ўтиб, Иван Соловёвнинг чиройли пасидан кейин Ҳусайн Норчаев ҳисобни ишончли кўринишга келтириб қўйди — 2:0.
77-дақиқада «Ас-Садд» дарвозабони Маршам тўпни ушлаб олишда хатога йўл қўйди ва бундан Ойбек Бозоров унумли фойдаланди. У тўпни эгаллаб олиб, қулай вазиятда турган Акмалга узатди ва Мозговой ўзининг ўйиндаги иккинчи голини киритди.
Ўйин тугашига бир неча дақиқа қолганда «Ас-Садд» ҳисобни биттага қисқартирди. «Насаф» ҳимоясидаги пала-партишликдан Родриго Табата унумли фойдаланиб, жамоасини 1 голига муаллифлик қилди.
Шу тариқ вакилларимиз 5-турда 3:1 ҳисобида ғалаба қозониб, ўз очколарини 8 тага етказиб олди ва 2-ўринга яхшилаб жойлашиб олди.
«Насаф» — «Ас-Садд» 3:1
Голлар: Акмал Мозговой – 63, Ҳусайн Норчаев – 75, Акмал Мозговой – 77, Табата - 90
«Насаф»: 35. Абдувоҳид Нематов, 2. Алибек Давронов, 4. Ҳусниддин Алиқулов, 7. Шароф Муҳитдинов, 8. Дилшод Саитов, 10. Ҳусайн Норчаев, 17. Суҳроб Нуруллоев (Иван Соловёв 67), 22. Акмал Мозоговой, 77. Ойбек Бозоров, 88. Марко Станоевич, 92. Умарбек Эшмуродов (С)
Захира: 1. Умиджон Эргашев, 13. Азамат Сойибов, 6. Муродбек Раҳматов, 9. Иван Солвев, 18. Баҳром Абдураҳимов, 23. Сардор Садуллаев, 27. Зафармурод Абдираҳматов, 30. Азиз Холмуродов, 70. АСлиддин Турсунпўлатов, 99. Семир Смайлагич
«Ас-Садд»: 22. Мешал Баршам, 2. Педро Коррейра, 3. Абдулкарим Ҳассан, 6. Тарек Салман, 7. Муҳаммад Ваад, 10. Ҳасан Ал Ҳайдос (С), 15. Акрам Афиф, 16. Боуалем Хўхи, 17. Гилерме Торрес (Родриго Табата), 19. Санти Касорла, 22. Андре Аев
Захира: 1. Саад Ал Шеиб, 31. Юсуф Абдуллоҳ, 4. Аҳмад Сайёр, 8. Али Асад, 9. Юсуф Абдуризоқ, 12. Родриго Табата, 13. Абдулла Ал Язиди, 20. Салем Ал-Ҳажри, 47. Фаисал Муҳаммад, 70. Мусаб Хидир Муҳаммад
