"Roma" bosh direktori Tiago Pinto klub yarim himoyachisi Genrix Mxitaryan bilan shartnoma uzaytirilishiga ishonmoqda.
"Genrix bilan shartnomani uzaytirishda hech qanday muammo yo‘q. Ikkala tomon ham hamkorlikni davom ettirishga qat’iy qaror qilgan”, — deya Pintoning so‘zlaridan iqtibos keltirgan DAZN.
Ma’lumot uchun, 33 yoshli armanistonlik futbolchining Rim klubi bilan shartnomasi 2022 yilning yozida yakuniga etadi.
Mxitaryan 2019 yil sentyabrida “Roma”ga o‘tgan edi. U klub safida 115 ta o‘yin o‘tkazib, 29 ta gol urgan.
