«Bavariya»ning polshalik hujumchisi Robert Levandovski myunxenliklarning navbatdagi chempionlik unvoni haqida gapirdi.
Levandovski yana Germaniya chempioni bo‘lish juda katta yutuq va hozirda bundan zavqlanish kerakligini aytdi. Robert har bir mavsum u uchun alohida ekanligini ta’kidladi. Polyakning qo‘shimcha qilishicha, bir necha yildan so‘ng odamlar Bundesligada ketma-ket o‘nta chempionlik katta muvaffaqiyat ekanligini to‘liq anglab yetishadi.
Eslatib o‘tamiz, kecha «Bavariya» Dortmundning «Borussiya» klubini mag‘lub etib, muddatidan avval chempionlikni qo‘lga kiritgandi.