«Бавария»нинг польшалик ҳужумчиси Роберт Левандовски мюнхенликларнинг навбатдаги чемпионлик унвони ҳақида гапирди.
Левандовски яна Германия чемпиони бўлиш жуда катта ютуқ ва ҳозирда бундан завқланиш кераклигини айтди. Роберт ҳар бир мавсум у учун алоҳида эканлигини таъкидлади. Польякнинг қўшимча қилишича, бир неча йилдан сўнг одамлар Бундеслигада кетма-кет ўнта чемпионлик катта муваффақият эканлигини тўлиқ англаб етишади.
Эслатиб ўтамиз, кеча «Бавария» Дортмунднинг «Боруссия» клубини мағлуб этиб, муддатидан аввал чемпионликни қўлга киритганди.
