Superliga doirasidagi 5-turda AGMK “Qo‘qon-1912” jamoasini Olmaliqda mehmon qiladi.
Mazkur jamoalar chempionat doirasida jami 16 marotaba to‘qnash kelishgan. O‘zaro uchrashuvlarda ustunlik AGMK tarafida: 9 g‘alaba, 3 durang va 4 mag‘lubiyat. To‘plar nisbati ham jamoamiz foydasiga: 28-20.
“Qo‘qon-1912” ayni paytda 6 ochko bilan turnir jadvalida 6-o‘rinda bormoqda.
Uchrashuvni tajribali referi Asker Najafaliyev boshqaradi. Mazkur tayinlov Najafaliyev uchun AGMK ishtirokidagi 8-uchrashuvga aylanadi. Asker Najafaliyev boshqargan o‘yinlarda jamoamiz 5 g‘alaba, 1 durang va 1 mag‘lubiyat qayd etgan.
Mazkur o‘yin Superliga doirasidagi joriy mavsum Olmaliqda o‘tadigan ilk o‘yinimizga aylanadi. Shu bois muxlislarni xursand etish maqsadida o‘yindan avval estrada yulduzi Xamdam Sobirov o‘zining kuy-qo‘shiqlari bilan stadionga yig‘ilgan tomoshabinlarga a’lo kayfiyat ulashadi.
Chiptalar «Metallurg» va OKMK sport majmuasi kassalarida 5 va 10 ming so‘mdan sotilmoqda.
Superliga, 5-tur.
27 aprel, chorshanba
AGMK — «Qo‘qon-1912» (18:30)
Olmaliq, «OKMK sport majmuasi».
Hakamlar: Asker Najafaliyev, Rasuljon Fozilov, Maksim Nexochin, Ravshan Abdivohidov
VAR hakami: Rustam Lutfullin
VAR assistenti: Aleksandr Sidorov
Nazoratchi: Baxtiyor Namozov
Komissar: Shohruh Said
