«Yuventus» bosh murabbiyi Massimiliano Allegrining fikricha, uning jamoasi A seriyaning kuchli to‘rtligiga erta kirishini aytishga hali erta.
«Sassuolo» ustidan g‘alaba qozongan taqdirda, turinliklar marraga to‘rt tur qolganda beshinchi o‘rindagi «Roma» bilan oradagi farqni sakkiz ochkoga oshiradi.
«Biz hali to‘rtinchi o‘rinni qo‘lga kiritganimiz yo‘q. Italiya Kubogi finaliga chiqish bizga kubokni olishda davom etish imkonini beradi, ammo chempionatda to‘rtinchi o‘rin hali uzoq, biz bu sari borishda davom etishimiz kerak», - dedi Allegri matbuot anjumanida.
«Sassuolo» - «Yuventus» uchrashuvi 25 aprel oqshomida bo‘lib o‘tadi.