Oxirgi uch o‘yinda bor-yo‘g‘i ochko qo‘lga kiritgan «Napoli» chempionlik uchun kurashni jiddiy ravishda murakkablashtirdi. So‘nggi zarba 34-turda «Empoli» bilan mehmonda kechgan bahsda qabul qilindi – ikkinchi bo‘limda mezbonlar o‘yinni o‘zgartirib, 3:2 hisobida g‘alaba qozonishdi.
Ammo mavsum yakunida klubni tark etishi kutilayotgan Lorenso Insine barcha musobaqalarda «Napoli» libosida o‘zining 121-golini urdi va bu ko‘rsatkich bo‘yicha Marek Gamshikka yetib oldi.
Oldinda faqat Dris Mertens turibdi, lekin Insine undan o‘tib keta olmaydi, chunki belgiyalik futbolchi hisobida 146 ta gol bor.
To‘rtinchi o‘rinni Diyego Armando Maradona egallab turibdi - 115 gol. Lekin Maradona kiritgan gollarning qiymati ancha yuqori, chunki Maradonaning gollari «Napoli»ga klub tarixidagi barcha eng muhim sovrinlarni - ikkita Skudetto va UYEFA kubogini olib kelgan.
