Охирги уч ўйинда бор-йўғи очко қўлга киритган «Наполи» чемпионлик учун курашни жиддий равишда мураккаблаштирди. Сўнгги зарба 34-турда «Эмполи» билан меҳмонда кечган баҳсда қабул қилинди – иккинчи бўлимда мезбонлар ўйинни ўзгартириб, 3:2 ҳисобида ғалаба қозонишди.
Аммо мавсум якунида клубни тарк этиши кутилаётган Лоренсо Иньсине барча мусобақаларда «Наполи» либосида ўзининг 121-голини урди ва бу кўрсаткич бўйича Марек Гамшикка етиб олди.
Олдинда фақат Дрис Мертенс турибди, лекин Иньсине ундан ўтиб кета олмайди, чунки бельгиялик футболчи ҳисобида 146 та гол бор.
Тўртинчи ўринни Диего Армандо Марадона эгаллаб турибди - 115 гол. Лекин Марадона киритган голларнинг қиймати анча юқори, чунки Марадонанинг голлари «Наполи»га клуб тарихидаги барча энг муҳим совринларни - иккита Скудетто ва УЕФА кубогини олиб келган.
