«Milan» Italiya A Seriyasining 34-turi doirasida «Lasio» ustidan irodali g‘alabaga erishdi.
Bu g‘alaba Stefano Pioli jamoasiga yana turnir jadvalida birinchi o‘rinni qo‘lga kiritish imkonini berdi va mutaxassis bundan juda mamnun. «Inter» ikki ochko ortda qolmoqda, ammo bitta zaxira o‘yiniga ega.
- Qayd etilgan natijadan qoniqdik va xursandmiz. Bizga yetarlicha muammo yaratgan raqibni mag‘lub etdik. Bu juda muhim g‘alaba va futbolchilarim bugun sherlardek harakat qilishdi. Hali to‘rt tur, to‘rtta uchrashuv qoldi, qolgan barcha o‘yinlarda g‘alaba qozonishga harakat qilamiz. Imkoniyatga oxirigacha ishonishimiz kerak, - dedi Stefano Pioli ITASportPress bilan suhbatda.
