«Милан» Италия А Сериясининг 34-тури доирасида «Лацио» устидан иродали ғалабага эришди.
Бу ғалаба Стефано Пиоли жамоасига яна турнир жадвалида биринчи ўринни қўлга киритиш имконини берди ва мутахассис бундан жуда мамнун. «Интер» икки очко ортда қолмоқда, аммо битта захира ўйинига эга.
- Қайд этилган натижадан қониқдик ва хурсандмиз. Бизга етарлича муаммо яратган рақибни мағлуб этдик. Бу жуда муҳим ғалаба ва футболчиларим бугун шерлардек ҳаракат қилишди. Ҳали тўрт тур, тўртта учрашув қолди, қолган барча ўйинларда ғалаба қозонишга ҳаракат қиламиз. Имкониятга охиригача ишонишимиз керак, - деди Стефано Пиоли ITASportPress билан суҳбатда.
