"Chelsi" futbolchisi Kristian Pulishich "Vest Xem"ga qarshi bahs haqida fikr bildirdi. U shunday deydi:

"Tuxel menga maydonga tushayotgan paytim gol urish vazifasini yuklagan. Men imkoniyatlar yaratishim va vaqti kelganida o‘zim harakat qilib ko‘rishim kerak edi. Buni esa eplay oldim. Kuchli to‘rttalikda mustahkamroq joylashib olganimizdan juda ham xursandmiz. Bizga uydagi g‘alaba kerak edi va muxlislarimiz oldida yuzimiz yorug‘ bo‘ldi. Biz mavsumni yuqori darajada yakunlashimiz kerak. Oldimizda bir nechta qiyin liga bahslari va final kutib turibdi".