«MYU» o‘z himoyachisi Garri Maguayrni sotish oson bo‘lmaydi, deb xabar bermoqda Mirror nashri.
Manbaga ko‘ra, "mankunianliklar" rahbariyati 2019 yilda futbolchi uchun sarflangan 87 million yevroga sota olmasligidan xabardor.
29 yoshli himoyachi joriy mavsumda «Manchester Yunayted» safida 36 ta o‘yinda maydonga tushib, 2 ta gol urishga erishdi. Maguayrning «qizil iblislar» bilan shartnomasi 2025 yilning yoziga qadar mo‘ljallangan.
Transfermarkt portali Angliya terma jamoasi futbolchisini 40 million yevroga baholamoqda.
Avvalroq futbolchi klub muxlislari tomonidan tahdidlarga uchragani xabar qilingandi.
Eslatib o‘tamiz, Maguayr futbol tarixidagi eng qimmat himoyachi bo‘lib qolmoqda.
