«Real» bosh murabbiyi Karlo Anchelotti jamoaga qaytish sabablarini tushuntirib berdi.
26 aprel kuni madridliklar Chempionlar ligasi yarim finalida «Manchester Siti» bilan kuch sinashadi.
- Chempionlar ligasining ushbu mavsumida biz juda qiyin o‘yinlar o‘tkazdik, biz qiyinchiliklarga o‘rganib qolganmiz. Muvaffaqiyat uchun kurashdik va hammasi foydamizga hal bo‘ldi. Ertaga ham kurash olib borishimizga shubham yo‘q.
Shanba kuni nima bo‘lishi haqida o‘ylamaymiz ("Real" Ispaniyada chempionlikni rasmiylashtirishi mumkin - muallif). Biz chempionlikka ancha yaqinlashdik, uni o‘z stadionimizda rasmiylashtirishimiz mumkin va bunga harakat qilamiz. Muhim turnir yakunlanishiga bir oy qolganida g‘alaba qozonish imkoniyatiga ega bo‘lganimizdan xursandmiz.
Lekin ungacha biz "Manchester Siti" bilan yarim finalning dastlabki uchrashuvida bellashishimiz kerak, o‘yinchilarni tayyorlash uchun ko‘p gapirishga hojat yo‘q. Biz taktika ustida ishlayapmiz, ammo bu men uchun juda oddiy o‘yin.
- Nega «Real»ga qaytdingiz?
Chunki "Real"ga murabbiy kerak edi. Qaytganimdan xursand bo‘ldim, lekin bu mening qarorim emas edi. «Real» nimadir qila olishimga ishondi va bu yerda ishlash menga yoqadi", - deydi Anchelotti.
