«Реал» бош мураббийи Карло Анчелотти жамоага қайтиш сабабларини тушунтириб берди.

26 апрель куни мадридликлар Чемпионлар лигаси ярим финалида «Манчестер Сити» билан куч синашади.

- Чемпионлар лигасининг ушбу мавсумида биз жуда қийин ўйинлар ўтказдик, биз қийинчиликларга ўрганиб қолганмиз. Муваффақият учун курашдик ва ҳаммаси фойдамизга ҳал бўлди. Эртага ҳам кураш олиб боришимизга шубҳам йўқ.

Шанба куни нима бўлиши ҳақида ўйламаймиз ("Реал" Испанияда чемпионликни расмийлаштириши мумкин - муаллиф). Биз чемпионликка анча яқинлашдик, уни ўз стадионимизда расмийлаштиришимиз мумкин ва бунга ҳаракат қиламиз. Муҳим турнир якунланишига бир ой қолганида ғалаба қозониш имкониятига эга бўлганимиздан хурсандмиз.

Лекин унгача биз "Манчестер Сити" билан ярим финалнинг дастлабки учрашувида беллашишимиз керак, ўйинчиларни тайёрлаш учун кўп гапиришга ҳожат йўқ. Биз тактика устида ишлаяпмиз, аммо бу мен учун жуда оддий ўйин.

- Нега «Реал»га қайтдингиз?

Чунки "Реал"га мураббий керак эди. Қайтганимдан хурсанд бўлдим, лекин бу менинг қарорим эмас эди. «Реал» нимадир қила олишимга ишонди ва бу ерда ишлаш менга ёқади", - дейди Анчелотти.