O‘zbekiston chempionatining 5-turi doirasida debyutant — «Olimpik» klubi «Lokomotiv» stadionida joriy mavsum peshqadamlaridan bir «Qizilqum»ni qabul qildi.

Navoiyliklar bahsning 29-daqiqasida hisobni ochishga muvaffaq bo‘lishdi. Shuhrat Muhammadiyev o‘ng qanotdan tezkorlik bilan raqiblar jarima maydoniga kirib keldi va aniq pas bilan Shoahmedovni qulay vaziyatga olib chiqdi. Sanjar to‘pni to‘xtatmasdan darvozaga mixlab qo‘ydi.

"Qizilqum" birinchi bo‘limning o‘zida ikkinchi golni urishga yaqin keldi. Stanislavlevich qulay vaziyatga chiqib bordi va darvozaga kuchli zarba yo‘lladi. To‘p darvoza to‘sini ustidan o‘tib ketdi.

Ikkinchi bo‘limga qo‘shib berilgan daqiqalarda hakam "Qizilqum" darvozasi tomon penalti belgiladi. Po‘latxo‘ja Xoldorxonov tomonidan yo‘llangan zarbani Ignatiy Nesterov qaytarishga muvaffaq bo‘ldi va jamoasining 2 ochko yo‘qotishiga yo‘l qo‘ymadi.

Ushbu g‘alaba tufayli "Qizilqum" o‘z ochkolarini 13taga yetkazib, yakka peshqadamga aylandi.

Superliga. 5-tur
26 aprel, 18:30
"OLIMPIK" - "QIZILQUM" - 1:0 (1:0)
Gol: Sanjar Shoahmedov (29)
Noaniq penalti: Po‘latxo‘ja Xoldorxonov (90+4, darvozabon qaytardi)
"Olimpik": 12.Vladimir Nazarov, 2.Saidazamat Mirsaidov, 4.Eldorbek Begimov, 5.Muhammadqodir Hamraliyev, 7.Ruslanbek Jiyanov (Muhammadali G‘iyosov 85), 8.Bektemir Abdumannonov (Muhammadaziz Ibragimov 59), 11.Otabek Jo‘raqo‘ziyev (Po‘latxo‘ja Holdorxonov 82), 19.Dostonbek Tursunov (Sunnatulloh Hamidjonov 85), 23.Abdurauf Bo‘riyev, 37.Alisher Odilov, 77.Davron Anvarov (Farruxbek Muxtorov 59)
"Qizilqum": 1.Ignatiy Nesterov, 6.Erkin Baydullayev, 7.Sanjar Shoahmedov, 10.Temurxo‘ja Abduxoliqov, 11.Aleksandar Stanislavlevich (Paul Komolafe 84), 20.Islom To‘xtaxo‘jayev, 23.SHerali Jo‘rayev (Jasur Azimov 82), 25.Azizbek Usmonov, 28.SHuhrat Muhammadiyev, 33.Oleg Zoteev, 88.Artyom Dmitriyev
Hakamlar: Rahimbek Karimov, Ruslan Serazitdinov, Olim Abduvosilov, To‘rabek Suyunov