Ўзбекистон чемпионатининг 5-тури доирасида дебютант — «Олимпик» клуби «Локомотив» стадионида жорий мавсум пешқадамларидан бир «Қизилқум»ни қабул қилди.

Навоийликлар баҳснинг 29-дақиқасида ҳисобни очишга муваффақ бўлишди. Шуҳрат Муҳаммадиев ўнг қанотдан тезкорлик билан рақиблар жарима майдонига кириб келди ва аниқ пас билан Шоаҳмедовни қулай вазиятга олиб чиқди. Санжар тўпни тўхтатмасдан дарвозага михлаб қўйди.

"Қизилқум" биринчи бўлимнинг ўзида иккинчи голни уришга яқин келди. Станиславлевич қулай вазиятга чиқиб борди ва дарвозага кучли зарба йўллади. Тўп дарвоза тўсини устидан ўтиб кетди.

Иккинчи бўлимга қўшиб берилган дақиқаларда ҳакам "Қизилқум" дарвозаси томон пенальти белгилади. Пўлатхўжа Холдорхонов томонидан йўлланган зарбани Игнатий Нестеров қайтаришга муваффақ бўлди ва жамоасининг 2 очко йўқотишига йўл қўймади.

Ушбу ғалаба туфайли "Қизилқум" ўз очколарини 13тага етказиб, якка пешқадамга айланди.

Суперлига. 5-тур
26 апрель, 18:30
"ОЛИМПИК" - "ҚИЗИЛҚУМ" - 1:0 (1:0)
Гол: Санжар Шоаҳмедов (29)
Ноаниқ пенальти: Пўлатхўжа Холдорхонов (90+4, дарвозабон қайтарди)
"Олимпик": 12.Владимир Назаров, 2.Саидазамат Мирсаидов, 4.Элдорбек Бегимов, 5.Муҳаммадқодир Ҳамралиев, 7.Русланбек Жиянов (Муҳаммадали Ғиёсов 85), 8.Бектемир Абдуманнонов (Муҳаммадазиз Ибрагимов 59), 11.Отабек Жўрақўзиев (Пўлатхўжа Ҳолдорхонов 82), 19.Достонбек Турсунов (Суннатуллоҳ Ҳамиджонов 85), 23.Абдурауф Бўриев, 37.Алишер Одилов, 77.Даврон Анваров (Фаррухбек Мухторов 59)
"Қизилқум": 1.Игнатий Нестеров, 6.Эркин Байдуллаев, 7.Санжар Шоаҳмедов, 10.Темурхўжа Абдухолиқов, 11.Александар Станиславлевич (Паул Комолафе 84), 20.Ислом Тўхтахўжаев, 23.Шерали Жўраев (Жасур Азимов 82), 25.Азизбек Усмонов, 28.Шуҳрат Муҳаммадиев, 33.Олег Зотеев, 88.Артём Дмитриев
Ҳакамлар: Раҳимбек Каримов, Руслан Серазитдинов, Олим Абдувосилов, Тўрабек Суюнов