Ayni paytda «Vilyarreal» jamoasini boshqarayotgan Unai Emeri yevrokuboklarning pley-off bosqichida ajoyib natijalar ko‘rsatmoqda.

2009/10 yilgi mavsumdan buyon Emeri jamoalari Chempionlar ligasi va Yevropa ligasidagi 37 ta o‘yindan 31 tasida g‘alaba qozonishgan.

Shu tariqa, mutaxassis 84 foiz holatda Yevropa musobaqalarining keyingi bosqichiga muvaffaqiyatli o‘tdi. Opta portali xabariga ko‘ra, bu Yevropadagi 16 ta o‘yinning 14 tasida (88%) jamoasini muvaffaqiyatga yetaklagan «Real»ning sobiq bosh murabbiyi Zinedin Zidandan keyingi ikkinchi eng yuqori ko‘rsatkichdir.

Joriy mavsumda Unai Emeri boshchiligidagi «Vilyarreal» yarim finalgacha Turinning «Yuventus» va «Bavariya» klublarini musobaqadan chiqarib yubordi. Ayni paytda ispanlar "Liverpul" klubi bilan bahs olib bormoqda.

Eslatib o‘tamiz, o‘tgan mavsumda Emeri «Vilyarreal» jamoasi bilan Yevropa ligasida g‘alaba qozongandi.