Айни пайтда «Вильярреал» жамоасини бошқараётган Унаи Эмери еврокубокларнинг плей-офф босқичида ажойиб натижалар кўрсатмоқда.

2009/10 йилги мавсумдан буён Эмери жамоалари Чемпионлар лигаси ва Европа лигасидаги 37 та ўйиндан 31 тасида ғалаба қозонишган.

Шу тариқа, мутахассис 84 фоиз ҳолатда Европа мусобақаларининг кейинги босқичига муваффақиятли ўтди. Opta портали хабарига кўра, бу Европадаги 16 та ўйиннинг 14 тасида (88%) жамоасини муваффақиятга етаклаган «Реал»нинг собиқ бош мураббийи Зинедин Зидандан кейинги иккинчи энг юқори кўрсаткичдир.

Жорий мавсумда Унаи Эмери бошчилигидаги «Вильярреал» ярим финалгача Туриннинг «Ювентус» ва «Бавария» клубларини мусобақадан чиқариб юборди. Айни пайтда испанлар "Ливерпуль" клуби билан баҳс олиб бормоқда.

Эслатиб ўтамиз, ўтган мавсумда Эмери «Вильярреал» жамоаси билан Европа лигасида ғалаба қозонганди.