«Inter» bosh murabbiyi Simone Indzagi A Seriya doirasidagi «Bolonya» jamoasiga (1:2) qarshi o‘yindan so‘nggi fikrlarini bildirib o‘tdi.
“Albatta, achchiqlanish seziladi, bu normal holat. Biz endi taqdirimizning xo‘jayini emasmiz, biz «Milan» nima qilayotganini kuzatishimiz va qolgan 4 ta o‘yinda ham g‘alaba qozonishga harakat qilishimiz kerak.
Biz hisobda oldinga chiqib olganimizda, ko‘proq gol urishimiz kerak edi, lekin, aksincha Arnautovich boshi bilan gol urdi. Bu xatoni hisobga olmaganda, birinchi bo‘limni yaxshi o‘tkazdik. Ko‘p imkoniyatlar bo‘ldi, biz ikkinchi golga haqli edik.
Tanaffusdan keyin biz juda shoshqaloqlik qildik va buning uchun tovon to‘ladik. «Bolonya» deyarli jarima maydonchamizga kirmadi, ammo keyin ikkinchi gol noqulay vaziyatni yuzaga keldi va biz o‘zimizni yo‘qotib qo‘ydik. Bu bosimni hisobga olgan holda ajablanarli emas.
Bu og‘ir zarba, lekin yurakka olish kerakmas. Har bir o‘yin qiyin bo‘ladi, ammo 4 o‘yinda 2 ochkolik farqni bartaraf etish mumkin.
Radu "Empoli"ga qarshi o‘yinda yaxshi o‘ynadi, yaxshi tayyorgarlik ko‘rdi, biz unga to‘liq ishonamiz. Bu baxtsiz hodisa edi, lekin futbolda shunday holatlar bo‘ladi. Agar biz 4:1 hisobida oldinda bo‘lganimizda, zarar unchalik katta bo‘lmasdi. Radu tashvishlanishga hojat yo‘q, u kelajagi porloq ajoyib darvozabon», - dedi Indzagi Sky Sport Italia nashriga.
