«Интер» бош мураббийи Симоне Индзаги А Серия доирасидаги «Болонья» жамоасига (1:2) қарши ўйиндан сўнгги фикрларини билдириб ўтди.
“Албатта, аччиқланиш сезилади, бу нормал ҳолат. Биз энди тақдиримизнинг хўжайини эмасмиз, биз «Милан» нима қилаётганини кузатишимиз ва қолган 4 та ўйинда ҳам ғалаба қозонишга ҳаракат қилишимиз керак.
Биз ҳисобда олдинга чиқиб олганимизда, кўпроқ гол уришимиз керак эди, лекин, аксинча Арнаутович боши билан гол урди. Бу хатони ҳисобга олмаганда, биринчи бўлимни яхши ўтказдик. Кўп имкониятлар бўлди, биз иккинчи голга ҳақли эдик.
Танаффусдан кейин биз жуда шошқалоқлик қилдик ва бунинг учун товон тўладик. «Болонья» деярли жарима майдончамизга кирмади, аммо кейин иккинчи гол ноқулай вазиятни юзага келди ва биз ўзимизни йўқотиб қўйдик. Бу босимни ҳисобга олган ҳолда ажабланарли эмас.
Бу оғир зарба, лекин юракка олиш керакмас. Ҳар бир ўйин қийин бўлади, аммо 4 ўйинда 2 очколик фарқни бартараф этиш мумкин.
Раду "Эмполи"га қарши ўйинда яхши ўйнади, яхши тайёргарлик кўрди, биз унга тўлиқ ишонамиз. Бу бахтсиз ҳодиса эди, лекин футболда шундай ҳолатлар бўлади. Агар биз 4:1 ҳисобида олдинда бўлганимизда, зарар унчалик катта бўлмасди. Раду ташвишланишга ҳожат йўқ, у келажаги порлоқ ажойиб дарвозабон», - деди Индзаги Sky Sport Italia нашрига.
