«Atalanta» bosh murabbiyi Jan Pyero Gasperinining yordamchisi Tullio Gritti Italiya chempionatining 20-turi doirasida «Torino» bilan durangdan (4:4) so‘ng hakamlardan norozi bo‘ldi.
«Torino bizga muammo tug‘dirishini bilardik va bu juda qiziqarli o‘yin bo‘ldi. Birinchi golda qoidabuzarlik bo‘ldi, futbolchimizning o‘zi bekordan bekor yiqilmadi. Bu oqshomdagi hakamlardan norozimiz deyish - bu biroz yumshoqlik. Joriy mavsumda bunday holatlarga tez-tez duch kelishimizga to‘g‘ri keldi va ularning ko‘pchiligi OAV tomonidan e’tibordan chetda qoldi.
Balki biz turnir jadvalida juda yuqoriga ko‘tarilganimizda kimnidir bezovta qilarmiz, lekin baribir davom etishga harakat qilamiz», - dedi Gritti Football Italia bilan suhbatda.
Ayni paytda «Atalanta» 55 ochko bilan sakkizinchi o‘rinda, oltinchi o‘rindagi «Fiorentina» va «Lasio» jamoalaridan bir ochko ortda qolmoqda.
