«Аталанта» бош мураббийи Жан Пьеро Гасперинининг ёрдамчиси Туллио Гритти Италия чемпионатининг 20-тури доирасида «Торино» билан дурангдан (4:4) сўнг ҳакамлардан норози бўлди.
«Торино бизга муаммо туғдиришини билардик ва бу жуда қизиқарли ўйин бўлди. Биринчи голда қоидабузарлик бўлди, футболчимизнинг ўзи бекордан бекор йиқилмади. Бу оқшомдаги ҳакамлардан норозимиз дейиш - бу бироз юмшоқлик. Жорий мавсумда бундай ҳолатларга тез-тез дуч келишимизга тўғри келди ва уларнинг кўпчилиги ОАВ томонидан эътибордан четда қолди.
Балки биз турнир жадвалида жуда юқорига кўтарилганимизда кимнидир безовта қилармиз, лекин барибир давом этишга ҳаракат қиламиз», - деди Гритти Football Italia билан суҳбатда.
Айни пайтда «Аталанта» 55 очко билан саккизинчи ўринда, олтинчи ўриндаги «Фиорентина» ва «Лацио» жамоаларидан бир очко ортда қолмоқда.
