Fransiyaning «Lill» klubi himoyachisi Sven Botman jurnalistlarga faoliyatini qayerda davom ettirishi haqida hali bir qarorga kelmaganini aytdi. «Lill»dagi bu mavsum uning oxirgisi bo‘ladimi, degan savolga u shunday javob berdi:
«Ko‘raman. Agar hamma narsa rejaga muvofiq bo‘lsa, ha. Lekin birinchi navbatda bu mavsumni yaxshi yakunlamoqchiman. Klub bunga loyiq. Shundan keyin ko‘ramiz. Men hech narsaga qaror qilganim yo‘q», dedi Botman.
Avvalroq, futbolchiga «Milan» jiddiy qiziqish bildirayotgani xabar qilingandi. Joriy mavsumda Botman Fransiya chempionatida 22 ta o‘yin o‘tkazib, 3 ta gol urdi va 1 ta golli uzatmani amalga oshirdi.
