Франциянинг «Лилль» клуби ҳимоячиси Свен Ботман журналистларга фаолиятини қаерда давом эттириши ҳақида ҳали бир қарорга келмаганини айтди. «Лилл»даги бу мавсум унинг охиргиси бўладими, деган саволга у шундай жавоб берди:

«Кўраман. Агар ҳамма нарса режага мувофиқ бўлса, ҳа. Лекин биринчи навбатда бу мавсумни яхши якунламоқчиман. Клуб бунга лойиқ. Шундан кейин кўрамиз. Мен ҳеч нарсага қарор қилганим йўқ», деди Ботман.

Аввалроқ, футболчига «Милан» жиддий қизиқиш билдираётгани хабар қилинганди. Жорий мавсумда Ботман Франция чемпионатида 22 та ўйин ўтказиб, 3 та гол урди ва 1 та голли узатмани амалга оширди.