Kelgusi mavsum boshida Italiya Superkubogi Saudiya Arabistonida o‘tkazilishi mumkin. Bu haqda Italiya matbuoti xabar bermoqda.
Corriere Dello sport nashrining ta’kidlashicha, uchrashuv 9-12-avgust sanalari orasida o‘tkaziladi. Ma’lumki, Superkubok chempioni va mamlakat kubogi g‘olibi o‘rtasida o‘tkaziladi.
Ayni damda «Milan» chempionatda peshqadamlik qilmoqda, ammo 11-may kuni bo‘lib o‘tadigan Italiya kubogi finalida «Yuventus» va «Inter» kurash olib boradi.
Italiya Superkubogi 1988 yilda tashkil etilgan bo‘lib, birinchi g‘olib «Milan» bo‘lgan, «Yuventus» esa 9 ta g‘alaba bilan eng ko‘p g‘alaba qozonish bo‘yicha rekordchi hisoblanadi.
