«Vilyarreal» himoyachisi Pau Torres faoliyatini Angliyada davom ettirishi mumkin, deya xabar beradi Todofichajes nashri.

Manbaga ko‘ra, 25 yoshli ispaniyalik futbolchiga «Manchester Siti» va «Manchester Yunayted» da’vogarlik qilmoqda. Ta’kidlanishicha, ushbu klublar hozirda muzokara olib bormoqda. Oldinroq ispan klubi futbolchi bilan 60 million yevro evaziga xayrlashishga tayyorligi haqida xabar berilgandi.

Torres joriy mavsumda «Vilyarreal» safida 41 ta o‘yinda maydonga tushib, 5 ta gol urgan. Transfermarkt portali futbolchining narxini 50 million yevroga baholamoqda.