"Barselona" Frenki de Yong o‘rniga "Valensiya" yarim himoyachisi Karlos Solerni sotib olmoqchi.

AS xabariga ko‘ra, Kataloniya klubi 25 yoshli futbolchini 20 million yevro evaziga transfer qilishga rozi bo‘lgan. Ispaniyalik futbolchi bilan shaxsiy shartnoma shartlari ham kelishib olingan.

Manbaga ko‘ra, Soler bo‘yicha kelishib olgan "Barselona" yarim himoyachi Frenki de Yong bilan xayrlashishga qaror qilgan. Klub 24 yoshli yarim himoyachi uchun taxminan 70 million yevro olmoqchi.

Soler joriy mavsumda "Valensiya" safida barcha turnirlarda 34 ta o‘yinda maydonga tushib, 12 ta gol urdi va 5 ta golli uzatmani amalga oshirdi.