"Барселона" Френки де Йонг ўрнига "Валенсия" ярим ҳимоячиси Карлос Солерни сотиб олмоқчи.
АS хабарига кўра, Каталония клуби 25 ёшли футболчини 20 миллион евро эвазига трансфер қилишга рози бўлган. Испаниялик футболчи билан шахсий шартнома шартлари ҳам келишиб олинган.
Манбага кўра, Солер бўйича келишиб олган "Барселона" ярим ҳимоячи Френки де Йонг билан хайрлашишга қарор қилган. Клуб 24 ёшли ярим ҳимоячи учун тахминан 70 миллион евро олмоқчи.
Солер жорий мавсумда "Валенсия" сафида барча турнирларда 34 та ўйинда майдонга тушиб, 12 та гол урди ва 5 та голли узатмани амалга оширди.
