Rossiya 2028 va 2032 yillarda bo‘lib o‘tadigan futbol bo‘yicha Yevropa chempionatiga mezbonlik qilish uchun ariza topshirgandi. Ammo ushbu mamlakat qit’a chempionatini o‘zida qabul qila olmaydigan bo‘ldi. UEFA bugun bu haqda bayonot tarqatdi.

Musobaqani o‘tkazish reglamentining 16.02-bandiga asosan, Rossiyaning arizasi turnir obro‘siga salbiy ta’sir ko‘rsatadi deb topildi. Bundan tashqari, 2028 yilga qadar Rossiya milliy jamoasiga qo‘yilgan taqiq bekor qilinishiga kafolat yo‘q. Hozirda ularga nisbatan qo‘llanilgan diskvalifikatsiya o‘z kuchida turibdi. Reglamentga ko‘ra esa, mezbon musobaqada ishtirok etishi shart.