Superliganing 6-turidan o‘rin olgan «Paxtakor» — AGMK o‘rtasidagi uchrashuvning 31-daqiqasida mezbonlar futbolchisi raqibiga nisbatan qo‘pollik ishlatdi. Ushbu holatda hakam avvaliga qizil kartochka ko‘rsatdi, VAR hakamlari esa vaziyatni qayta ko‘rishni tavsiya qilgach, qaror sariq kartochkaga o‘zgartirildi.

Mutaxassislar fikriga ko‘ra, «Paxtakor» futbolchisi raqibiga butsaning tag qismi bilan zarba berishdan saqlangan, ya’ni futbolchi oyog‘ini bukkan va tabiiy inersiya natijasida uning tizzasi raqibning yuz qismiga tekkan. Shuningdek, mazkur vaziyatda futbolchi tizzasi bilan raqibiga jarohat yetkazadigan tarzda ortiqcha harakat qilmagan.

Mutaxassislar VAR yordamida ko‘rsatilgan sariq kartochkani to‘g‘ri deya baholashdi.