"Marsel" prezidenti Pablo Longoriya Xorxe Sampaolini klub bilan shartnomasini uzaytirishga ko‘ndirish ustida ishlamoqda. Bu haqda L'Equipe nashri xabar berdi.
Argentinalik murabbiy jamoaning o‘yin uslubini qayta qurib chiqqani va bir qator o‘yinchilarning o‘yinini yaxshilagani “Marsel” mutasaddilarini hayratda qoldirdi.
Manbaga ko‘ra, so‘nggi bir necha hafta ichida Chili terma jamoasi sobiq bosh murabbiyi advokati bilan ham, uning Fransiya yuridik jamoasi a’zosi bilan ham muzokaralar olib borilgan.
Yangi shartnoma 2 yilga tuzilishi kutilmoqda.
