Madridning “Real” klubi avvalroq “PSJ”ga o‘tishi mumkin bo‘lgan yarim himoyachisi Kazemironi sotishdan manfaatdor emas. Fransiyalik jurnalist Adriyen Greniyerning yozishicha, futbolchining o‘zi ham "Santyago Bernabeu"ni tark etmoqchi emas.
Oldinroq ispan matbuoti futbolchi joriy mavsum yakunida "qaymoqranglilar"ni tark etishi mumkinligini ma’lum qilgandi. Endi xabarlarga ko‘ra, bosh murabbiy Karlo Anchelotti futbolchini o‘zida saqlab qolmoqchi.
Kazemiro "Real"ga 2013 yilda "San-Paulu"dan ko‘chib o‘tgandi. Braziliyalik futbolchi asosiy tarkibga kirishi uchun 2014/15 yilgi mavsumda "Portu"da bir yillik ijarada bo‘lib qaytgan.
