"Real Madrid" bosh murabbiyi Karlo Anchelotti jamoasining joriy Chempionlar ligasidagi o‘yiniga yuqori baho berdi.
"Real Madrid"ning yarim finalga chiqishi bejiz emas edi. Yildan yilga baxtli tasodif bilan buni qilish mumkin emas. Omaddan tashqari, sizda yana bir narsa bo‘lishi kerak. Balki iymon, xarakter, shaxsiyatdir”, dedi Anchelotti Chempionlar ligasi yarim finalining “Manchester Siti”ga qarshi javob o‘yini oldidan o‘tkazilgan matbuot anjumanida.
Eslatib o‘tamiz, "Real Madrid" birinchi o‘yinda "Etihad"da Xosep Gvardiola shogirdlariga 3:4 hisobida mag‘lub bo‘lgandi. Javob bahsi ertaga Toshkent vaqti bilan soat 00:00da "Santyago Bernabeu"da boshlanadi.