UEFA prezidenti Aleksander Cheferin Chempionlar ligasida to‘rtlik finalini joriy etish imkoniyatlari haqida gapirdi.
Jutarnji list xabariga ko‘ra, Cheferin final to‘rtligi haqidagi savolga ijobiy javob bergan. Uning fikricha, bu ajoyib g‘oya, biroq shu tufayli bir nechta top o‘yinlar yo‘qoladi, kompaniya ham pul yo‘qotadi. Prezident g‘oyalar borligini, lekin ular bilan bo‘lishishga hali tayyor emasligini ta’kidladi.
Oldinroq klublarning o‘zlari "To‘rtlik" g‘oyasini ilgari surgani xabar qilingandi. Turnirning yarim final va finalida jamoalar bittadan o‘yin o‘tkazadi. Barcha o‘yinlar bir hafta davomida bir shaharda o‘tkaziladi.
